【明報專訊】地盤全面禁煙法例上月17日起生效，勞工處噚日推出宣傳短片，由新吉祥物「零煙仔」（左上角）登場推廣地盤無煙文化。片中嘅「零煙仔」頭戴印有勞工處標誌嘅白色安全帽，喺地盤向違例吸煙嘅工人同諗住視而不見嘅承建商人員舉起紅牌，話佢哋犯規。任何人喺地盤違例吸煙會被定額罰款3000元，而承建商同分判商必須採取所有合理步驟確保無人喺地盤內用明火點燃、吸用或攜帶點燃緊嘅吸煙產品，違例者經法院定罪最高罰款40萬元。