【明報專訊】近日氣溫破紀錄，市民出盡法寶消暑。有網民前日喺Threads發文，話收到大埔關愛隊送出有冷帽同頸巾嘅福袋，揶揄「不如開個避寒中心扯鼻鼾算啦」。福袋由大埔滘關愛隊送出，隊長陳笑權同Emily講，福袋內仲有防蚊用品等，一年四季都啱用，又話上星期五（7日）係立秋，「無諗過天氣咁反常」，強調「送暖」係出於關心，相信冷帽及頸巾「天氣一凍就用得着」。