【明報專訊】啱啱去完馬來西亞出席貿發局推廣活動嘅主席馬時亨（前左），噚日去美食博覽為本地飲食業同各地展商打氣。佢一入到場館就去佢以往都有幫襯嘅本土品牌「大埔振興牛丸」幫襯，仲話最鍾意食墨魚丸，大讚爽脆彈牙、啖啖墨魚，之後就參觀內地省市展區，試食湖南同西藏等地物產。另外，政務司長陳國基噚日都到內地省市展區參觀，兼見證香港同湖南省、西藏自治區同山東省簽署農食產品合作備忘錄，助內地食品同農產「走出去」。