【明報專訊】立法會前主席曾鈺成細個讀書叻就好多人都知，佢仲幾乎去咗深造數學。曾鈺成噚日喺母校港大嘅講座話，當年讀到中五都無教微積分，自己中三四已搵大學嘅書自學，亦諗過一世研究數學。佢講笑話久唔久聽到師弟或學生嘅成就，都會諗自己如果當年繼續學術之路，或者成就唔低過佢哋，近期仲有人同佢講，話唔定香港第一個菲爾茲獎得獎者「可能姓曾都話唔定」！