高等法院周五（21日） 宣判支聯會及其前主席李卓人、前副主席鄒幸彤「煽動顛覆國家政權」罪成 ，被告家屬包括李卓人妻子鄧燕娥、鄒幸彤母親劉華珍到庭旁聽。鄧燕娥散庭後形容裁決沒有驚喜，仍感到傷心和憤怒，強調不認為李卓人採取任何非法手段，現階段會觀望刑期，「希望唔會咁重啦」；劉華珍則在追訪下簡單回應「希望環境健康啲，乜嘢顏色嘅花草都可以綻放」。
鄧燕娥散庭後在法院對面接受現場記者訪問，她形容裁決「當然令人傷心……亦都好憤怒、好嬲」、「幾離譜」。鄧燕娥堅稱李卓人無罪，「判佢有罪我覺得係好唔公平」，指李「無做過任何非法行為、無用過任何非法手段」，認為法官沒有考慮 辯方律師的理據和資料 ，稱審訊「好一面倒」。
｜李卓人手勢向妻「畀大心心」
鄧燕娥透露李卓人於庭上精神不錯，「好似有啲笑容」，亦透過手勢「畀咗個大心心我」。她稱對判決有心理準備，「都係預計之內（no surprise），喺而家嘅情況之下，當然我都唔敢樂觀」。
對於持續數十年的愛國民主運動如今被法院定性為「顛覆國家政權」，鄧燕娥形容「真係一個新嘅時代」，稱 「我哋諗嘢都要調校過，唔可以正常咁諗嘢」 。她稱現階段將「睇下個求情點做，或者唔做啦」，會跟律師及李卓人本人討論後決定是否上訴。
｜稱李卓人鄒幸彤陳詞理據十足
劉華珍戴上口罩，由前支聯會常委劉家儀陪同離開法院，其間被多名記者包圍追訪，情況一度混亂，警員築起人牆要求記者退後，另有同行者撐起雨傘保護她。劉華珍起初不願回應記者提問，最後同意「講兩句」，表示「希望環境健康啲，乜嘢顏色嘅花草都可以綻放，就係咁多，OK？謝謝大家，大家辛苦喇」，隨即由劉家儀護送離開，她離開時不忘叮囑記者「保重」。
穿着印有「人民不會忘記」字樣 T 恤的劉家儀其後受訪，她首先表示希望外界「唔好難為（鄒幸彤）阿媽」，並稱無論作為朋友還是前支聯會常委身份，皆對裁決感到失望，強調被告 一直以來追求民主、真誠悼念六四死難者、關懷天安門母親 ，「希望大家再一次睇睇兩位，『人哥』李卓人同埋『阿彤』鄒幸彤嘅陳詞」。
劉家儀稱二人供詞理據充足，目前傾向上訴，「講清楚為咗六四無罪、為咗悼念無罪，我哋依然會行法庭嘅路」，冀透過上訴讓公眾在陽光下「睇清睇楚論據係乜嘢，公道自在人心」，如有上訴消息將盡快通知市民。劉家儀又稱 李卓人和鄒幸彤意志堅定，從沒放棄信念 ，相信即使他們面臨監禁，「應該可以搵到一個好嘅位置，令佢哋平安，跟住等到自由出嚟嗰一日」。
棱角編輯部
