【明報專訊】日前網上流傳相片，顯示美聯物業將軍澳PopCorn商場分行門外玻璃貼咗一張寫咗「狗狗不可便溺 已落毒藥」嘅告示。美聯回覆本報查詢話已移除告示，解釋嗰間分行門口範圍出現狗狗便溺嘅問題已超過半年，告示只係希望起阻嚇作用，查證無放過毒，就告示造成任何不便致歉。事件惹來唔少批評，有人仲話「可以報警喎！」