【明報專訊】單身嘅房屋局常任秘書長羅淑佩係MIRROR成員陳卓賢（Ian）嘅fans，佢噚日喺電台節目被主持車淑梅問到Ian符唔符合佢理想伴侶形象時，佢嚇一嚇，「吓？我做得佢阿媽有找喎！」又話，「如果我有個咁嘅仔就唔錯啦！」至於感情生活，佢似乎睇得幾開，「呢啲天意嚟嘅」，話自己因為好多朋友，身邊有幾位閨密，生活都好充實。