【明報專訊】特首李家超8月喺facebook發帖，話聽取「解決劏房問題」工作組報告時，曾經提出「新元素」畀小組考慮。Emily噚日喺《施政報告》有關房屋措施嘅記者會，嘗試「探口風」睇下究竟「新元素」係乜，身兼工作組組長嘅副財政司長黃偉綸就回應話，由於當日嘅工作匯報係內部討論，唔適宜公開內容，包括何謂嘅「新元素」。不過佢好配合記者，講多咗少少，透露係同執法安排有關。