【明報專訊】多年來廉署不時以電視劇做宣傳教育，下周一（21日）起一連5日就有新一輯《廉政行動》喺無綫電視播放。廉署話多名高層會喺劇集粉墨登場，舉例首集講述樓宇管理維修貪污案中，專員胡英明就飾演行動指揮中心嘅調查人員，為飾演總調查主任嘅陳山聰送上咖啡打氣，觀眾仲會睇到首次公開嘅射擊訓練場及行動指揮中心。