【明報專訊】Emily喺9月底報道過，環境及生態局長聯同國家生態環境部宣傳教育中心製作咗《遇見美麗中國》和《美麗香港》系列專題片，介紹內地及香港生態環境，例如香港嘅美麗海灣同珊瑚。不過，可能唔係好多人知道有啲咁靚嘅短片睇，喺環境及生態局YouTube頻道，美麗香港海灣短片推出逾一個月，頻道內只有1600次收看，頻道內嘅遇見美麗中國嘅影片，收看率仲低啲。不過，大家以後如果去立法會，就可以喺大樓內嘅LED大屏幕睇到有關短片，因為由噚日起，大屏幕會盡量循環播放呢批專題短片。