【明報專訊】近日有報道話有人喺灣仔海堤餵流浪貓，惹來鼠患，環境及生態局前日喺facebook話，處理方法包括由漁護署將現場出沒嘅貓「移離」。帖文一出，隨即引起網民批評，「搵得漁護即係諗住殺貓」，反問「咁多區都有鼠患全部都入晒啲貓數？」有人仲留言話鼠患大多係人為造成，「係咪要移遷晒啲人類去月球」，反問環境局去捉貓，「講乜嘢生態？」