【明報專訊】政府及兩間電力公司今日會公布最新電費加幅。立法會環境事務委員會噚日去咗中電龍鼓灘發電廠，但唔係去傾電費加價，而係關注中電供電穩定事宜，及電力公司推進減碳目標嘅進度。龍鼓灘發電廠4月發生電壓驟降事件，搞到有百宗困𨋢事故。中電人員噚向議員介紹，話上次事件同雷電有關，已喺發電廠和輸電塔等設施加裝避雷器「球形」裝置，話可以減低雷擊影響嘅機率。