【明報專訊】康文署2019年起推出試驗計劃，開放轄下6個體育館主場畀市民預訂玩新興運動，例如閃避球、躲避盤、健球等。睇番日前黃大仙區議會嘅文件，康文署計劃喺下年第一季將額外6間體育館納入計劃，包括黃大仙區竹園體育館主場。Emily問過康文署，佢哋話試驗計劃市民反應正面，所以計劃開放更多合適嘅體育館主場，新增嘅6個分別位於東區、黃大仙、油尖旺、離島、西貢同沙田，署方正陸續諮詢相關區議會，並適時檢討擴展計劃成效。