【明報專訊】中央贈港嘅大熊貓安安同可可9月底落戶海洋公園，經過兩個月適應，似乎住得唔錯，海洋公園近期開始安排嘉賓去探佢哋，等佢哋慢慢習慣見人。噚日一批立法會議員就去咗探佢哋，江玉歡形容「男仔」安安表現豪邁，大字形坐喺度咬竹葉，而「女仔」可可就文靜少少，瞓喺木搭建嘅平台瞓覺。林健鋒就話可可更好動，喜歡爬上爬落，仲話佢哋生活幾寫意。