【明報專訊】繼多名議員收到疑似合成牀照嘅勒索電郵後，再有議員成為詐騙目標。勞聯兼勞工界議員周小松同Emily講，有勞聯分會理事長周二（26日）接獲自稱係佢本人嘅來電，話「我係周小松」，但唔係以佢電話號碼致電。騙徒翌日WhatsApp發短訊訛稱有急事借錢，要求理事長轉帳近5萬元，仲約佢去立法會天橋，話之後喺辦公室還錢。理事長轉帳後打畀小松求證先知受騙。