【明報專訊】唔少善信去到黃大仙祠會求番支籤，仲會去祠前面嘅「東華三院黃大仙簽品哲理中心」（圖）幫襯解籤師傅。簽品哲理中心現有161個解籤檔，最近世界紀錄協會頒咗證書畀中心，認證佢為「世界上解籤檔最多的建築物」。東華三院特別將證書製成碑銘，噚日舉行揭幕儀式，之後會將碑銘放喺中心內畀公眾欣賞。