【明報專訊】文化體育及旅遊局、運輸及物流局長前日同日「換馬」，行會召集人、新民黨主席葉劉淑儀噚日先後接受港台同商台訪問，談及兩個政策局嘅未來工作同挑戰，亦大讚新任局長羅淑佩同陳美寶。葉太喺節目爆料話，當年自己擔任貿易署助理署長時負責招聘，羅淑佩正係佢請嘅，「嗰時覺得呢個女仔諗嘢幾靈活、幾醒目」，而羅出任政務官後一直表現唔錯。