有公屋戶日前在facebook群組「公屋討論區 - 香港facebook群組」以「隔籬屋曬臘肉，係咪應該要舉報」為題上載相片公審鄰居，但意外地網民把注意力聚焦在另一事態更嚴重的情況上，指水渠邊呢堆嘢才是「最可恥」之處。
公屋晾衣架曬臘肉逐張睇 ＋ 網民伸張正義↓↓↓↓
4條臘肉吊吊揈
相中見到晾衣架掛有4條吊吊揈的臘肉，背景是白牆與水渠，渠邊放有一個地拖頭、上下左右分布約6至7盆盆栽，其中一個盆更疑似廢物利用，割開膠樽製作，同場還有空瓶子和膠樽。
網民重點狙擊放於不同位置的花盆，指「應該舉報花盆多啲，（路人）隨時中咗頭獎去見上帝」、「應該舉報花盆多啲」、「臘肉比較安全，其他就......」、「曬臘肉冇問題，但係佢啲花盆／盆栽就有問題」。
有人更怒斥「真係花盆先最可恥」、「一張相有齊臘肉、花盆、地拖頭、置物架，是但跌一樣落樓都可以令人中頭獎」、「你唔覺得呢家人好自私咩？曬臘肉一定滴油，咁樓下曬衣物嘅點算？地拖頭、花盆跌咗落街揼死人又點算？」。
公屋晾衣架曬臘肉逐張睇 ＋ 網民伸張正義↓↓↓↓
網民：樓上曬臘肉被袋報銷
有說回正題的網民則力斥曬臘內「搞到成個屋村有老鼠㗎」，更有人乘機訴苦，指「我樓上就係曬臘肉，我啲被袋全部唔要得」。
根據房署的「屋邨管理扣分制」，在窗、露台或樓宇外牆放置滴水物件屬不當行為，可扣3分；在窗、露台或樓宇外牆外掛放或置放有從高處掉落潛在風險的物品（包括簷篷、冷氣機遮簷和其他伸出物），可扣7分。