【明報專訊】電影《九龍城寨之圍城》展覽由香港機場移師到啟德AIRSIDE，展期由噚日起到出年4月13日。展覽展示咗電影場景，包括後巷、髮廊、冰室等，並融入埋電影嘅環境聲效同演員對白，包括飛機聲同斬叉燒聲。今次展覽仲新增5個打卡位，參照當年城寨實物整咗漫畫攤、裁縫店、跌打舖、鞋匠店同牙醫診所，不同場景亦隱藏咗多個電影彩蛋，例如演員戲服同微縮模型。