【明報專訊】政府話要「無處不旅遊」，廠商會青委會就搞咗個全港中學生深度遊短片比賽，鼓勵青少年透過鏡頭發掘同記錄香港各區嘅深度遊景點同路線。大會經過兩輪評選，喺150份參賽作品揀出18個得獎隊伍，初中組冠軍嘅兩個學生哥拍片講九龍寨城公園，又用潮州話推銷九龍城美食，喺片段中食唔停，神情滿足；高中組嘅女子組合就註明「原創」rap歌，少女由大埔墟鐵路博物館行到中環扶手電梯，各區景點一「片」打盡。