【明報專訊】第二屆港珠澳大橋香港段半馬拉松噚日早上舉行，除咗半馬賽事，今屆設兩公里「榮譽盃」，政府多名司局長同立法會議員都有參與，包括律政司長林定國、保安局長鄧炳強、政制及內地事務局長曾國衞、文體旅局長羅淑佩等。賽後林定國喺facebook發文，形容首次喺港珠澳大橋上跑步「感覺十分正」，認為活動顯示香港人嘅正能量，也體現香港巧妙運用獨一無二環境舉辦國際體育盛事嘅能力。