【明報專訊】位於新界東北邊陲嘅紅花嶺郊野公園早前已開放畀公眾使用，公園內有一個有百幾年歷史嘅鉛礦洞，漁護署同土木工程拓展署合作，用咗一年幾時間活化礦洞，包括灌漿加固岩洞天花，同埋為結構不穩嘅岩柱建造混凝土扶壁，仲用仿真岩石覆蓋，令礦洞搖身一變成為開放式博物館，並喺上月底已向公眾開放。當局會喺礦洞一帶增設解說牌、路標、涼亭同長椅等，加強遊覽體驗。