【明報專訊】噚日陽光好好，有唔少團體搞慈善跑及戶外競技活動。ACCA（特許公認會計師公會）下晝喺中環搞「公益關愛日」，活動包括人力車大賽及表演，忙於制定財政預算案嘅財爺陳茂波都有參與，佢仲借題發揮，話人力車特點係「重視平衡」，而制定公共政策亦講求平衡，各方都提出訴求，但資源始終有限，要點樣平衡相當考功夫。