【明報專訊】民建聯立法會議員顏汶羽噚日提出書面質詢，關注政府點樣推廣盂蘭勝會。文化體育及旅遊局回覆提到，前年同舊年分別有40多個團體申請舉辦盂蘭勝會，仲話分別有近3.6萬同5.2萬多人參與。唔少網民見到當局回覆都紛紛留言，笑問「有無計埋『下面啲人』？」、「有幾多唔係人參與？」，又有網民問會唔會有破地獄表演。