【明報專訊】智能手機幾乎人人都用，但對長者嚟講使用時都會遇上困難。社會創新及創業發展基金資助非政府機構喺全港18區推行「友智識」，12間機構在全港設立40個定時定點嘅社區支援點，為60歲或以上長者，特別係居住喺舊區和公共房屋嘅獨老和雙老長者，提供數碼培訓同技術支援，預計逾10萬人受惠。數字辦話，有關機構會重點培訓長者使用「智方便」、醫健通、康體通等日常生活用得上嘅流動應用程式（App），並灌輸網絡安全知識。