【明報專訊】錯過咗跳繩港隊喺巴黎奧運表演嘅大家，大年初一要留意喇，事關兩名曾喺巴黎鐵塔前獻技嘅港隊，當晚會聯同22名隊友喺新春花車巡遊重現巴黎奧運招式「過隧道」。港隊代表李俊明話，當晚會將花式跳繩融入繞繩及翻騰元素，希望擺脫大眾認為跳繩沉悶嘅固有形象。同場亦會有本地舞團Chestroll Dance Crew表演，當中舞團總監黃晉洋曾與歌手姜濤合作。