【明報專訊】一向喺網上月旦時政嘅工聯會立法會議員陳穎欣，早前點名質疑協助畀人「賣豬仔」港人家屬嘅前公民黨區議員余德寶「鋪排出來選」，引起余公開反駁絕無其事。事件燃燒幾日後，陳穎欣喺自己YouTube頻道再指有人「挑動對保安局仇恨」，又話自己都有跟進過相似嘅案件，「都係先低調跟進，解困後涉事人來到我辦事處送錦旗，我至將有關情况公開」。而保安局長鄧炳強噚日則不點名多謝余心理協助家屬。