【明報專訊】多個外國駐港領事都透過社交網站同市民拜年，又慶祝蛇年。澳洲總領事韋嘉鋒（Gareth Williams）去咗嘉道理農場暨植物園了解「野生蛇類拯救計劃」，仲親手拎蛇上手（圖一）。Gareth話，澳洲原住民傳統文化入面，彩虹蛇係創造者同水嘅守護者，中國文化嘅蛇就象徵智慧同財富，佢又推介農場有關蛇嘅保育展覽，展期到今年3月。