【明報專訊】消委會上個月搞「龍年十大消費新聞」選舉，畀市民投選心目中2024年消費大事，選舉結果噚日出爐。涉及至少5000個消費者向消委會投訴兼涉款近2億元嘅「舒適堡全線結業」事件，以7934票登上榜首；其次係獲4552票嘅「美斯缺陣表演賽」，呢單新聞同時以9440高票當選「最離譜」消費新聞；第三名係「暫緩垃圾徵費」，有4409票。