【明報專訊】美國總統特朗普上場後，對中國及香港採取關稅等針對措施，中美關係緊張之際，經民聯立法會議員林健鋒話，香港總商會暫計劃喺4月24日率商界代表團訪美，展開民間外交及游說工作。佢預料美國之後嘅對華措施，香港難免同受影響。佢話美國仍有唔少人對香港情况有誤解，但唔需要理會美方對香港態度係咪友善，香港商界仍可透過交流解說，形容交流係「和平、對等」。