【明報專訊】下周三（12日）係正月十五元宵節，康文署由噚晚起喺尖沙嘴文化中心舉辦元宵綵燈會，現場有多款特色大型花燈畀大家打卡，仲有猜燈謎等活動，2月11日及12日晚更會有歌舞表演。今年綵燈會嘅花燈有多款以動物造型做設計，包括近期熱爆嘅大熊貓、色彩斑斕嘅孔雀（圖）、生動嘅狐獴同俏皮嘅松鼠。綵燈亮燈時間為每晚6點至11點。