【明報專訊】喺剛過嘅農曆新年假期，實政圓桌立法會議員田北辰有件難忘樂事。佢話喺2月8日，晨早同朋友去深圳西麗打高爾夫球，話前一晚飲宴飲咗茅台，而自己酒量屬「有限公司」，翌晨個人仲有少少未醒，但估唔到打起波嚟表現仲好，做出人生首次嘅「一桿入洞」。田二少話佢活咗四分之三世紀、打咗50年波，都係首嘗一桿入洞嘅喜悅。