【明報專訊】隨住港九兩岸過海隧道開通，汽車渡輪喺1980至90年代停辦，改為只提供悠閑性質嘅包船體驗。不過，Emily聽聞，停辦27年嘅汽車渡輪有機會復辦常規服務。香港小輪集團旗下油蔴地小輪噚日回覆Emily，話集團作為維港一分子，近日正積極研究復辦定期嘅汽車（私家車）渡輪服務，畀大家重溫汽車過海集體回憶，推廣香港獨特之處。如果成事，駕駛者就可以回味喺船上一邊吹住海風歎經典餐蛋麵，一邊欣賞維港景色。小輪公司仲同Emily講，復辦渡輪可紓緩過海隧道擠塞。