【明報專訊】新民黨主席葉劉淑儀上周末與黨友化身「Foodie」，走訪港島多間餐廳。佢話其實香港好多特色小食店、咖啡店、雪糕店等生意都唔錯，而香港除咗「無處不旅遊」，更加係「無處不美食」，相信只要發揮創意、緊貼潮流，特色小店不愁無客源。不過，葉太噚日喺社交媒體話，今次係帶病去食嘢，話上周五開始喉嚨痛同咳嗽，前日起身更失聲，加上周六跑咗一日周圍搵食，可能疲勞過度「打敗仗」。