【明報專訊】今年係選舉年，每次臨近選舉各大政黨都會用盡方法宣傳拉票，新民黨主席葉劉淑儀噚日喺立法會交通事務委員會就問電車公司會唔會放寬廣告政策，畀政黨喺電車車身賣廣告。葉太話政黨政團好鍾意電車，因為電車行得慢，「如果將我哋啲相貼上去，好有幫助」，仲即場問有冇特價，不過電車公司董事總經理戴弘博喺會上就直接拒絕。