【明報專訊】日前一名聲稱是青衣運動場小食亭嘅店主喺網上發文，不滿「某葵青區小學」舉辦陸運會期間，老師阻礙學生幫襯買零食，仲話有老師喺家長面前質問學生：「邊個老師畀你買㗎？」基督教香港信義會葵盛信義學校回覆Emily查詢話，當日學生已訂購午餐，亦有家長喺小食亭買嘢食，校方無就相關安排收到家長投訴，強調日後舉辦同類活動將會按需要與各持份者及相關部門協調溝通，「避免誤會發生」。