【明報專訊】預算案聽日公布，坊間關注公務員會否凍薪或減薪，警察隊員佐級協會主席林志偉話，不論最終決定都會遵從，相信政府已徵詢好多專家同智囊，公務員會與香港迎難而上、共渡時艱。佢又話即使有人唔同意，但佢認為政府維持本港社會安定，係作為公務員嘅首要任務。至於會否擔心調薪損士氣，佢話薪酬對打工仔好重要，但2019年反修例事件「咁嚴重」都無影響警隊士氣，睇唔到有咩原因能足以影響。