【明報專訊】新一份財政預算案聽日出爐，行政會議成員湯家驊日前接受《信報》專訪，文章引述佢話政府面對財赤問題難大刀闊斧處理，「源於本港沒有民選政府」，解釋話因為市民面對唔係民選嘅政府，可能會覺得「你不是我選出來的，我為什麼要捱苦？」湯家驊日前亦喺facebook分享專訪報道，惟噚晚佢喺facebook出帖，話專訪似乎引起誤解，解釋佢唔係話民主制度下嘅政府一定無財赤，並為引起誤解致歉。