【明報專訊】立法會年底換屆選舉，社福界議員、新思維主席狄志遠噚日話，希望該黨下屆立法會可以繼續有一個功能界別議席，同時想爭取「最好有兩個」直選議席，認為黨內嘅人有條件參選，但係咪入到閘甚至當選，就要睇客觀條件，包括選舉經費、拎到嘅提名數目等，暫時未定出戰嘅選區，𠵱家有辦事處嘅將軍澳同油麻地都會考慮。