【明報專訊】財政司長陳茂波噚日宣讀新一份《財政預算案》，按照慣例，新聞處會安排傳媒提早約兩個鐘去政府總部預覽，記者入場前統統要交出電話，唔准同外界通訊及離場，防止內容提早外泄，直至財爺宣讀完結。不過，噚日發生臨完場有新聞處職員喺會場開咪，話有人漏咗電話，叫事主出嚟認領，引起行家一陣嘩然，即係代表有人唔守規矩帶電話入場？Emily冇留到最後，唔知邊位行家咁大頭蝦呢？