【明報專訊】「財爺」陳茂波噚日喺立法會宣讀《財政預算案》，以往都有官員同立法會議員襯番嗰年預算案封面顏色嘅衫出席會議，今年預算案封面係湖水藍，Emily噚日見到教育局長蔡若蓮著咗湖藍色上衣，文體旅局長羅淑佩亦著咗藍色外衣。經民聯梁美芬、民建聯郭玲麗同林琳、選委界陳曼琪等議員亦身穿藍色嘅西裝外套，會議開始前佢哋仲一齊「打卡」。身兼行政會議召集人嘅葉劉淑儀除咗著湖水藍嘅外套現身，仲戴多咗副「黑超」。