【明報專訊】香港通用郵票現時嘅地質公園主題版本原來已經用咗10年，香港郵政本月會推出「二○二五年香港通用郵票」，以香港著名地標為主題，一套16枚嘅郵票會介紹16個地標，包括中環國金中心、會展、故宮文化博物館（圖）、港珠澳大橋、荔枝窩同天壇大佛等，描繪香港重要嘅基礎設施發展同保育成就。Emily認為呢啲地標都好有代表性，不過唔知係咪時間上配合唔到，無包括新開幕嘅啟德主場館，覺得有啲可惜。