【明報專訊】噚日係農曆二十四節氣嘅驚蟄，唔少人去到灣仔鵝頸橋底「打小人」，當中不乏年輕一代，為求新一年可以驅趕噩運。喺香港、廣東一帶地區，唔少人會趁驚蟄去「打小人」、「祭白虎」。Emily噚日去鵝頸橋趁熱鬧，見現場排晒長龍等打小人，聽講最熱門嗰檔都要排兩個鐘。檔戶點起香燭、燒紙製白老虎，現場瀰漫香燭味，加埋一眾「小人婆」或「仙姑」不停落力嘅拍打聲，人氣旺盛。