【明報專訊】已解散嘅支聯會拒交資料案噚日終極上訴得直，撤銷定罪同判刑，判辭亦有提及保安局長角色。保安局長鄧炳強一直重視呢單案，裁決頒布後，唔少記者都想搵鄧局長回應，打算趁佢原定噚日下晝出席活動時訪問佢，不過主辦方臨時接獲通知，話鄧局長要離港處理公務，去唔到，令唔少記者撲空。