上周股民應該過了很累的一周，無他，關稅消息沒完沒了之餘，更是彈出彈入，令人無所適從。執筆之時，美國總統特朗普，豁免了20個產品類別的關稅，包括智能電話、電腦、晶片、太陽能電池、記憶卡等，是次動作，市場均解讀為特朗普作出了讓步。如無意外，今日港股可以狂歡起舞。

提高現金水平 控制注碼

說回操作層面，好彩嘅就兩邊贏晒，唔好彩嘅就「左一巴右一巴」，但加添心理質素這個因素後，大多數股民只會是後者，如何能夠繼續留在市場搏鬥而不失霸氣，唯一方法就是控制注碼；即好似上星期專欄所講，提高現金水平，贏可能會贏少咗，但輸嘅幅度亦可控制。

此外，無論贏或輸好，短炒倉位盡量即日完成，一來即市波幅加大，絕對有肉食，二來市場步速轉得太快，第二日嘅形勢可能已180度轉變。

補多一句，本欄今年以來一直提示要收集的黃金，又再次創新高，希望開香檳的人數越來越多。現階段利好金價的因素越來越多，本欄重申逢低吸納作中長線持有，目標成為投資組合其中一個部份，期望下一次開香檳時，見到你一齊舉杯。

唐牛

fb︰ IG︰ YouTube︰ Threads︰ 本欄逢周一、三刊出

相關文章：