轉載改編歌詞一篇，廣東話的，除了搞笑還有點意思….

漆油 (原曲: 七友 – 梁漢文)

原曲: 七友 作曲: 雷頌德 作詞: 林夕 新詞: 塵飛揚@懶好笑

仲記得 未到半個月年關就過 就會發覺我阿媽好忙 籌備大盛事買桔角仔 然後買糖

又記得 話晒要過節爸爸電髮 桃紅撞墨綠領呔搶眼 襯住套陳年暗條西裝 咁作狀

◎當時我乖唔曳 就係為 o左 等阿媽俾過年 o既 錢 走去買對 Nike 削價過千冇嗌貴 情願咁傻

爸爸嫌冇佈置太過簡陋 又有 d 舊 買兩罐漆油 油通屋辛苦到吽 d 油都乾晒後 間屋都依然好臭

勁難聞 佢冇理我 o既 感受 悶到出油 我要快 d 走 唔跟雙親通街走 忙逗利事 好像福頭 隨時話撇話撇 為要見我幾個好友 #

大過 o左 話要有個性尋找自我 做過 o下 o野 我要搬出 o黎 良朋易共聚劈酒睇波 隨便拍拖

但結果 做 o野 會有錯 連番受挫 情路未順利 轉 o左 幾個 掛住我從前過得簡單 夠快樂

◎ 重唱

直至雙親走 o左 樣樣事好唔好靠我一個 好怕做錯 邊個替我操心 到我發燒 人仲更忙?

獨住這屋我漸覺 佈置太簡陋 又有 d 舊 買兩罐漆油 油通屋辛苦到吽 d 油都乾晒後 間屋都依然好臭

爸原來我冇理你 o既 感受 為個家忙 永冇嗌想走 能一家開心辛苦過 原來亦係一份溫柔 唔能話要就有 但有過 o既 都算足夠