【明報專訊】想知用咗幾多電，唔一定要等電費單，港燈2020年起分階段為全香港島同南丫島嘅客戶免費更換同安裝智能電表，方便客戶經手機App隨時查閱每半小時嘅用電量。港燈話，噚日最後一批智能電表喺西灣河興東邨完成安裝，標誌住港燈嘅智能電表通訊基礎設施全面運作，電表數碼化計劃接近全部完成，至今超過58萬戶已安裝。